Божикен ручек за 500 деца
Под мотото „Едно небо за сите деца“ околу 500 деца од повеќе градови од земјава ќе се дружат и заедно ќе го прослават Божик на традиционалниот, заеднички, Божикен ручек на 7 јануари.
Оваа манифестација со која се означува почетокот на Новата Година за да биде посреќна и повесела за децата, по 14-ти пат ја организира невладината Детска амбасада за сите деца во светот.
Како што нагласува организаторот, на Божиќниот ручек на 7 јануари во прилепскиот хотел „Кристал Палас“ се поканети децата од Скопје, Битола, Тетово, Крушево, Демир Капија, Струмица, од Прилеп и од другите градови и се од повеќе целни групи од сите верски заедници: деца без родители, деца со посебни потреби, деца на загинатите браниотели и истакнати деца на невладината Детска амбасада за сите деца во светот.
На оваа традиционална манифестација која досега опфатила преку 7.000 деца, се промовираат највисоките вредности – еднаквоста, љубовта и мирот помеѓу децата.
Божиќниот Ручек ќе го благослови митрополитот Петар, а децата ќе добијат новогодишни пакетчиња од прилепскиот градоначалник Илија Јованоски.
За збогатување на свеченоста ќе се погрижат од танцовото студио „Зодијак“ од Прилеп, младите Илина и Јована Николовски од Скопје како и Христијан Тодороски.
Ново на Сител
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски
-
Грчката амбасадорка Филипиду ja напушти седницата, Силјановска-Давкова во заклетвата користеше Македонија
-
Маж со автомобил прегазил жена во Чаир
-
Украдени документи и компјутери од Управата за матични книги во Прилеп
-
Струмица: „Фиат“ удрил во електричен тротинет, повредено едно лице
-
Приведен бегалец од затвор баран со потерница
-
Почина пациентот на кој за прв пат во светот му беше трансплантиран бубрег од свиња