Борусија (Д) не го искористи киксот на Баерн

 

Лидерското дуо во Бундес лигата  не успеа да стигне до цел плен во денешните средби што би бил значаен исчекор кон шампионскиот трофеј. 

Многу поблиску до победата беа фудблаерите на Борусија Дортмунд кои гостуваа во Штутгарт и натпреварот го отворија  со предност од два гола кои кон средината на првиот дел ги постигнаа Але и Мален. И кога се чинеше дека работата е завршена откако домашните останаа со играч помалку во самиот финиш блесок на Штутгарт и набрзина  преку Кулибали и Вагномен дојде израмнувањето на 2-2.  Гостите од Дортмунд сепак најдоа сили да дојдат до нова предност со голот на Џовани Рејна но не успеаја да се одбранат и во 97-та минута дозволија Силас да израмни за конечни 3-3 на овој меч.