Борко Ристовски ќе брани за Барселона во новата сезона
Голманот на македонската ракометна репрезентација и член на бундеслигашот Рајн Некар Ловен, Борко Ристовски во новата сезона ќе застане на голот на каталонскиот гигант и актуелен европски шампион Барселона. Тој ќе дојде на местото на Даниел Шариќ, кој ја напушта Барселона. Ристовски според шпанските медиуми потпишал договор на две години.
Македонскиот репрезентативец со преминот во РНЛ и одличните партии кои ги имаше на дуелите кога беше на голот го сврте вниманието, па Барселона откако стана јасно дека останува само со шпанскиот репрезентативен голман Гонсало Перез де Варгас испрати понуда за Ристовски. Тој воедно по тие најави напомена дека е во дилема бидејќи и неговиот сегашен клуб РНЛ му понуди продолжување на кариерата.
Барселона од идната сезона е новиот клуб за Ристовски, а вкупно трет во Шпанија бидејќи претходно тој бранеше за екипите на Теукро (2006 и 2007) и Алгесирас (2007).
Тоа значи дека покрај Кирил Лазаров, кој неколку сезони го носи дресот на каталонскиот тим Ристовски е вториот наш репрезентативец член на Барселона.
Од македонските спортисти во последните години во кошаркарскиот клуб настапуваше Владо Илиевски, а Давид Бабунски беше член на младите селекции и на Б тимот на Барселона.
Ново на Сител
-
Автомобил се преврте во Бутел, пет лица повредени меѓу нив и двајца малолетници
-
При судар со автомобил тешко повредени 17-годишен возач на мотоцикл и неговиот 16-годишен сопатник
-
Пратеничка добила закани од лице кое било во „мерцедес“
-
Мицкоски: Пописот не смее да биде политичка тема, потребна ни е вистинска бројка за да знаеме како да ја развиваме државата
-
Ќерката на загинатиот скопјанец: Се зацрни уште една фамилија, дали ќе има крај на ова
-
Го прегазил на пешачка со мотор и избегал, детали за сообраќајката во која скопјанец загина на кеј кај „Жабар“
-
Најмалку 51 лице загинаа во монсунските дождови во Индија, 22 се водат како исчезнати
-
Две лица починаа поради топлотниот бран во Франција
