Борис Трајанов со концерт ќе одбележи 30 години творештво
Националниот уметник на Македонија, баритонот Борис Трајанов утревечер во Македонската опера и балет ќе го одржи својот јубилеен концерт „На Македонија со љубов“, со кој ќе одбележи 30 години уметничка дејност.
На концертот ќе бидат изведени едни од нашите најубави традиционални љубовни и патриотски македонски народни песни. Во изборот се наоѓаат нашите бисери-„Сношти минав“, „Саноќ седам Трено“, „Си заљубив едно моме“, „Со маки сум се родил“, „Болен ми лежи Миле Поп Јорданов“... Публиката ќе има можност да го слушне и „Тешкото“ од балетот „Македонска повест“ на Глигор Смокварски.
Гости на концертот ќе бидат мецосопранот од Србија Јелена Влаховиќ, нашите првенци, сопранот Весна Гиновска-Илкова и тенорот Ѓорѓи Цуцковски.
Специјално за овој концерт се подготвени нови аранжмани на песните чии автори се Тодор Трајчевски, Дарко Мариновски и Сони Петровски. Балетски солисти се Ивана Коцевска и Дојчин Дочев од Бугарија. Концерт мајстор ќе биде Верица Ламбевска, режисер Дејан Прошев, а диригент, гостинот од Србија Ѓорѓе Павловиќ.
Автор на сценариото за концертот е драматургот Братислав Димитров, а наратор ќе биде актерот Владо Јовановски.
Трајанов во 2008 година стана дел од Музичката академија на Универзитетот „Гоце Делчев“ во Штип, каде ја формираше и Катедрата за соло пеење. Тој е добитник на повеќе домашни и интернационални награди, а настапувал на голем број популарни сцени во светот, на 700 претстави во над 80 оперски куќи во светот.
Во својата 30-годишна кариера се стекнал со признанието „Уметник на мирот“, доделено од УНЕСКО и ја добил наградата „Оперски Оскар“ за најдобар машки оперски уметник во Грац.
Ново на Сител
-
По барањето од ОЈО Скопје, одложена закажаната расправа за убиството на Вања и Панче
-
Мицкоски: Скопје стои како симбол на издржливост и солидарност
-
Николоски: Градежните работи на експресниот пат Градско - Прилеп се засилуваат од август, до крај на годината ќе се вози по нов пат од Градско до Дреново
-
Собраниска делегација положи цвеќе пред споменикот на жртвите од земјотресот во Скопје
-
Шефот на албанската дипломатија, Хасани кандидат за генерален секретар на ОБСЕ
-
Се возеле со мотори и АТВ во заштитениот дел на Шар Планина, покрената постапка
-
Во следните денови постепено зголемување на температурата
-
Затворен сообраќајот кај Страцин