Борел повторно ги покани на средба Вучиќ и Курти
Косово и Србија синоќа успеаја да постигнат начелен договор за излез од кризата, а сега ЕУ повторно ги кани лидерите за да се зацементира процесот.
Како што соопштија од европската служба за надворешни работи синоќа, Приштина и Белград на ниво на главните преговарачи успеаја да избегнат ескалација околу проблемите со регистарските таблици и да го вратат фокусот на дијалогот под водство на ЕУ и шефот на ЕУ дипломатијата, Жозеп Борел.
Србија се согласи да не издава КМ таблици за Србите во Косово, а Приштина вети дека нема да ги казнува граѓаните со такви таблички.
Но, ова е само почеток на враќање на преговарачката маса.
Портпаролот за надворешни работи, Петер Стано, денеска на редовниот брифинг за новинари во Европската комисија изјави дека се поканети српскиот претседател, Александар Вучиќ и косовскиот премиер, Албин Курти, на нова средба.
– После договорот вчера важно е да се продолжи, високиот претставник Борел ги покани двајцата лидери во Брисел да продолжат да работат на нормализација на односите и дијалогот, работата продолжува. Договорот од вчера не е краен договор, тој ќе овозможи да се влезе во нова етапа и да се работи на прашањата на одржлив начин, рече Стано.
ЕУ очекува сега одговор од двете страни и ќе информира дали и кога ќе се одржи следната средба со Вучиќ и Курти во рамките на Дијалогот за нормализација на односите меѓу Белград и Приштина.
Ново на Сител
-
Апсења во случај на корупција во кој е вклучена агенција на НАТО
-
Таравари: Јас поднесувам оставка, другите ќе бидат разрешени
-
Зеленски рече дека е подготвен за каков било формат за преговори за ставање крај на војната
-
Пратениците донесоа повеќе закони, долга дискусија по измените на Законот за Инспекторат за употреба на јазиците
-
Приведен 33 годишник од Битола, при претрес на неговиот дом пронајдени се дрога и воздушна пушка
-
Студентите од Правниот факултет во Ниш поднесоа кривична пријава против Вучиќ поради посетата на пациенти од Кочани во УКЦС
-
Почна протестот на семејството на Фросина Кулакова која загина во сообраќајка на „Партизанска“
-
Обвинителството бара замена на мерката „притвор“ со „куќен притвор“ за поранешен министер за економија и државен секретар за трагедијата во Кочани