Борел: Последниот предлог договор до Белград и Косово е испратен вчера
Високиот претставник на Европската унија за надворешна политика и безбедност, Жозеп Борел, кој денеска присуствува на самитот ЕУ-Западен Балкан, ја акцентраше важноста на дијалогот Приштина-Белград, нагласувајќи дека „веќе е во нивни раце да почнат преговори, бидејќи германскиот предлог им е можност за тоа“.
-Во однос на дијалогот Приштина-Белград, ова е важен момент, спорот за регистарските таблички е веќе надминат, тие треба да се вклучат во дијалог со предлогот што е ставен на маса и силната поддршка од Германија и Франција. Последниот текст беше испратен вчера до Белград и Косово и тие се оние кои треба да ги започнат сериозните разговори бидејќи имаат голема можност, рече тој.
На новинарско прашање дали еоптимист дека дијалогот ќе има успешна завршница во текот на следната година, рече дека е „многу сум активен околу тоа“.
-Жал ми е, но не можам да ја споделам содржината на документот за договорот меѓу Косово и Србија. Мислам дека не треба да поставуваме вештачки рокови, важно е брзо да почнеме да работиме. Време е за работа, одговори тој.
Изразувајќи ја поддршката што им е дадена на Албанија и на Босна и Херцеговина, тој рече дека експерти на ЕУ во Албанија ќе помогнат во однос на кибер-нападите, а на Босна и Херцеговина ќе и бидат доделени 10 милиони евра за деминирање
-Зборував со премиерот Рама, му понудив поддршка и нашите експерти се тука да и помогнат на Албанија да се соочи со кибер-нападите и хибридните закани кои доаѓаат како резултат на војната. Ќе и понудиме поддршка на Босна и Херцеговина за деминирање. Ќе дадеме 10 милиони евра за одредена акција за деминирањ, посочи Борел.
Ново на Сител
-
Превртена приколка од камион го блокира патот Истибања – Македонска Каменица, сообраќајот во прекин
-
Во среда авионска дезинсекција против комарци во Скопје
-
Град Скопје: Власта го политизира наместо да го осуди случајот со физичкиот напад врз градоначалничката Арсовска
-
Формиран Кризен штаб за заштита од пожари во Македонска Каменица
-
Украинските ученици наскоро ќе учат да летаат со ФПВ дронови како дел од ажурираната наставна програма „Одбрана на Украина“
-
Исчезна руски воен хеликоптер со пет лица
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица