Борел: Договорот меѓу „Газпром“ и Унгарија не го прекршува европското законодавство

– Договорот меѓу руската компанија „Газпром“ и Унгарија за снабдување со гас преку цевки околу Украина, не го прекршува европското законодавство, изјави високиот претставник на ЕУ за надворешна и безбедносна политика, Жозеп Борел за време на самитот Украина-ЕУ во Киев.

„Газпром“ и унгарската „МВМ ЦЕЕнерџи“ претходно потпишаа два долгорочни договора за снабдување со гас преку „Турски поток“ преку Србија и Австрија, при што и двете рути ја заобиколуваат Украина. Киев изрази разочарување од одлуката на Будимпешта, бидејќи тоа им штети на билатералните украинско-унгарски односи и ја објави својата намера да се обрати до Европската комисија.

Борел истакна дека земјите-членки на ЕУ се слободни да склучуваат билатерални договори.

– Колку што знам, нема ништо незаконски во овој договор меѓу Унгарија и „Газпром“, ништо што би било спротивно на европското законодавствп, нагласи Борел.