Борел: Белград и Приштина постигнаа договор за регистерските таблички
Белград и Приштина постигнаа договор во врска со регистерските таблички, потврди високиот преставник за надворешна политика на ЕУ Жозеп Борел, јави дописникот на МИА од Белград.
-Со радост ви соопштувам дека главните преговарачи на Белград и Приштина постигнаа договор за мерките, како би ја избегнале натамошната ескалација и во потполност се фокусираат на предлогот за нормализација на односите меѓу нив, напиша доцна вечерва Борел на Твитер.
„Белград ќе престане да издава регистерски таблички со именување на косовските градови, а Приштина ќе ги прекине понатамошните акции поврзани со пререгистрација на возилата. Наредните денови ќе ги повикам страните да ги разгледаат следните чекори. Му изразувам благодарнсот на специјалниот претставник Мирослав Лајчак на напорната работа“, додаде Борел.
Претходно во текот на денот специјалниот претставник на ЕУ за дијалог меѓу Србија и Косово, Мирослав Лајчак изрази надеж дека во Брисел ќе се најде решение за смирување на тензиите во Косово.
Тој денеска во Брисел се сретна со преговарачите на Србија и Косово, Петар Петковиќ и Бесник Бисљими.
-Искрено се надевам дек а денеска ќе успееме да најдеме решение за деескалација на тензиите и да продолжиме да работиме на нормализација на односите. Разговорите се во тек, напиша Лајчак на Твитер.
Ново на Сител
-
Парична казна за тетовец поради „Фејсбук“ објава против поранешната американска амбасадорка
-
Ковачевски: Нема поголема глупост од границите на Балканот
-
Османи: Платите на политичарите се мали, но треба бидат последни на листата за зголемување
-
Кремљ ја отфрли можноста за прекин на офанзивата против Украина
-
Протест на машинскиот и извршниот персонал на МЖ Транспорт, најавена блокада на железничкиот сообраќај
-
ОН: Бројот на цивилни жртви во Украина далеку поголем од официјалните податоци
-
И оваа година победници на маскембалот се Светот на Колорес | ФОТО
-
Стоилковски: Закани по животот на децата на Мицкоски, МВР да реагира