Болсонаро во текот на својот мандат потрошил пет милиони долари од службената картичка
Податоците од кредитната картичка на поранешниот бразилски претседател Жаир Болсонаро откриваат дека тој потрошил пет милиони американски долари за време на неговиот четиригодишен мандат, а потрошил повеќе од 21.000 долари на само една вечера во ресторан.
Новата бразилска Влада на својата веб-страница објави извод за состојбата на сметката на официјалната картичка на поранешниот шеф на државата.
Заедно со Болсонаро пристап до кредитната картичка имал и неговиот тим од 21 лице, пренесоа агенциите.
За разлика од неговите претходници, Болсонаро беше таинствен за трошоците, но неговиот наследник Луис Ињацио Лула да Силва реши да ги објави јавно.
Така, Болсонаро потрошил повеќе од 235.000 американски долари на годишни одмори во 2019, 2020 и 2021 година. За време на една посета на бензинската пумпа потрошил речиси 14.000 долари и 286.000 на неколку престои во луксузен хотел во Гуаруџа, одморалиште недалеку од Сао Паоло.
Сепак, изгледа дека Болсонаро најмногу потрошил на раскошни ручеци и вечери. За време на посетата на релативно евтин ресторан во Боа Виста, во државата Рораима, со претседателската картичка била платена сметка од повеќе од 21.000 долари.
Во текот на четири години, тој оставил повеќе од 71.000 долари во пекара во Рио де Жанеиро, а едно купување изнесувало речиси 11.000 долари. Таа сума е потрошена еден ден по свадбата на синот на Болсонаро и пред собирот на моторџиите организиран од приврзаниците на Болсонаро на улиците на Рио.
Ново на Сител
-
Уапсен србин кај Ѓавато, не застанал на знак на полицијата, па потоа го оставил автомобилот и пробал да побегне
-
ЦУК: 20 пожари на отворен простор, десет активни, пет ставени под контрола и пет изгаснати
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО
-
71-годишен кумановец загина во сообраќајка при судар со товарно возило
-
Кривична пријава против две лица од Велешта кои му се заканувале на пратеник од Струга