Боинг планира да позајми 10 милијарди долари
Американскиот производител на авиони „Боинг“ преговара со банки за заем од 10 милијарди долари или повеќе поради високите трошоци по авионските несреќи на авионите „737 Макс“, изјавил анонимен извор.
Американската мрежа Си-Ен-Би-Си во понеделникот прва информира за преговорите, тврдејќи дека Боинг од банките досега земал најмалку шест милијарди долари.
Извор на Си-Ен-Би-Си рекол дека претставници на Боинг паралелно разговараат и со други кредитори за дополнителни суми.
Друг неименуван извор ја потврдил информацијата и додал дека се уште не познат точниот износ кој Боинг се обидува да го собере, ниту дали американскиот гигант ќе се одлучи да продава свои акции.
Претставници на компанијата одбија да ги коментираат овие информации.
Светските агенции минатиот петок јавија дека американската Сојузна управа за воздухопловство (ФАА) веројатно нема да одобри враќање на авионите „737 Макс“ во промет пред март, додавајќи дека би можеле да останат приземјени и до април, а можеби и подолго.
Авионите беа приземјени во март минатата година после две несреќи во кои загинаа вкупно 346 луѓе.
Ново на Сител
-
На 28 септември осветување на храмот „Св. цар Константин и царица Елена“ во Скопје
-
Тошковски: Ценам дека ќе имаме уште едни демократски избори во Македонија
-
Промена на времето: Доаѓаат дождови и пад на температурите
-
Зеленски и Трамп денеска ќе се сретнат во Њујорк
-
Спасени белгиски планинари кај Дебар, биле нападнати од овчарски кучиња и бегајќи се качиле на телефонски столб
-
Муцунски од Њујорк: Стратешкиот дијалог со САД предвидува низа мерки за унапредување на меѓусебните односи
-
Без вода улици во скопската населба Крњево
-
Кикбоксерите со две бронзи од Европското првенство во Италија