Богдановиќ:Југославенска селекција би се носела со САД

Српскиот кошаркарски репрезентативец, Богдан Богдановиќ, кој со Фенербахче се наоѓа на турнирот во Задар, истакнал дека и НБА ѕвездите би се плашеле од екипа која би била составена од играчи од поранешните југословенски републики.

 

„И Леброн Џејмс и Стеф Кари би се исплашиле кога би се собрале репрезентативци од поранешните републики. Се надевам дека некогаш ќе седнат и ќе одлучуваат паметни луѓе“, рекол Богдановиќ.

 

Бекот на Фенербахче дополнил дека никогаш немал дополнителен мотив кога игра против Хрватска, иако во четвртфиналето на олимпискиот турнир токму против Хрватска одигра брилијантен меч и со 18 поени и пет асистенции ја предводеше Србија до победата.

 

„Немам никаква посебна мотивација кога играм против Хрватска. Не ги разбирам таквите луѓе. Замислете што ќе беше доколку останевме во иста држава“, заклучил Богдановиќ.

 

Фенербахче со Богдановиќ, в недела од 21 часот, ќе игра против Дарушафака на турнирот во Задар, а в петок ќе гостува во Скопје на одбележувањето на 70-годишниот јубилеј на Работнички.