Бочварски: Евтините авио линии ќе бидат обновени веднаш по отворањето на границите
Евтините авио линии, кои беа прекинати поради ковид-кризата ќе бидат обновени веднаш откако ќе се отворат границите, најави денеска министерот за транспорт и врски Благој Бочварски.
-Работиме на полето на враќање на авиолиниите, но тоа не е прашање кое треба еднострано да се дискутира, туку се однесува и на билатералните односи помеѓу две земји. Како ќе се отвораат границите и ќе се олеснуваат протоколите и како здравствените работници во двете земји ќе нудат олеснителни можности во однос на ковид кризата, така ние ќе го следиме тој процес и ќе ги враќаме авиолиниите, рече Бочварски во одговор на прашање на одбележувањето на воспоставувањето нова директна авиолинија меѓу Скопје и Киев.
Тој посочи дека за 2021 година има предвидено 69,5 мииони денари за субвенционирањена евтините авиолинии.
-Веднаш штом се отворат овие стопирани линии ќе продолжиме со реализација и ќе ги враќаме. Штом се отворат границите веднаш ќе се вратат линиите кои беа запрени поради ковид-кризата и повторно ќе се воспостават. Овој месец очекуваме повторно да се воспостави летот помеѓу Скопје и Абу Даби преку Визер кој е дел од програмата за субвенционирани летови, рече Бочварски.
Ново на Сител
-
Се толерираат ли нестручни кадри во здравствениот систем?
-
Тема на денот со Васко Наумовски, поранешен вицепремиер за европски прашања
-
Преглед на вести од светот
-
Сведоштво во судница на мајката на убиената Вања
-
Стручната комисија утврди лекарски пропусти за смртта на 14 месечното бебе
-
Берлински процес
-
Новиот Закон за правична е готов но не е испратен до Влада, допрва ќе се договарале деталите
-
Утре почнува грејната сезона, но основните училишта во Карпош ќе останат со студени радијатори