Блокотехна го победи шампионот МЗТ Скопје

 Кошаркарите на новиот прволигаш Блокотехна направија изненадување откако во последниот натпревар од 4.коло од Првата лига го победија шампионот МЗТ Скопје Аеродром на негов терен со 85:77 (23:13; 23:20; 21:24 и 18:20). Во текот на целиот натпревар гостите од Гевгелија имаа водство. 

Екипата на МЗТ Скопје на овој дуел настапи без повредените Јордан Минчев и Брет Бејли, но во тимот беа репрезентативецот Марко Симоновски и новото засилување Радослав Спасојевиќ. 

Најефикасен на дуелот беше Данило Мијатовиќ од Блокотехна со 21 поен, а вкупно пет играчи на оваа екипа имаа двоцифрен број поени. Кај МЗТ Скопје Симоновски постигна 19 поени.

Резултати на другите дуели од оваа рунда:

Работнички - Пелистер 105:49,

Гостивар - Шкупи 94:78,

Охрид - Кожув 86:74,

Карпош Соколи - Фени Индустри 103:109 (продолжение) и

Струмица - Куманово 66:90.

 

Табела: Блокотехна 8 бодови, Работнички 8, Гостивар 8, Карпош Соколи 7,  Куманово 6, Охрид 6, Фени Индустри 6, МЗТ Скопје А. 6, Пелистер 5, Струмица 4, Шкупи 4, Кожув 4.