Бизнис платформа за полесно справување со европските регулативи и прописи
Компаниите од земјите на Западен Балкан минуваат 10 пати подолго време на граничните премини што значи шест пати поголеми трошоци за извоз. Тие се соочуваат и со отворени прашања во однос на примената на европските прописи и стандарди, а прилагодувањето на нивното работење кон овие нормативи е потенцијална можност за дополнителни проблеми.
За надминување на ваквите предизвици, во рамки на Самитот за Западен Балкан што ќе се одржи идниот месец во Познањ, Полска, предвидено е воспоставување бизнис платформа меѓу Коморскиот инвестициски форум и институциите на ЕУ (КИС-ЕУ).
– Платформата практично ќе значи дијалог меѓу бизнис-секторот од Западен Балкан и релевантните чинители на ЕУ кој, не само што ќе помогне да се изнајдат административни, регулаторни и политички решенија, туку ќе овозможи и компаниите подобро да ги разберат законите на ЕУ. Целта е и поддршка за полесна интеграција на единствениот пазар, истакна Татјана Штерјова од Стопанската комора.
Штерјова на прес-конференција напомена дека меѓу проблемите кои го усложнуваат функционирањето на фирмите од Западен Балкан е и помалата достапност на информации, како и ограничениот пристап до алтернативните начини на финансирање, посебно кога се работи за малите и средни претпријатија.
Според Кристоф Призлуцки од Агенцијата за трговија и инвестиции на Полска, КИС-ЕУ платформата ќе биде основана на бизнис форумот што исто така ќе се одржи во рамки на Самитот за Западен Балкан.
– Енергетиката, информатичките технологии, прехранбената индустрија и агротехниката ќе бидат во фокусот, но форумот останува отворен и за останатите сектори. Тоа ќе биде одлична можност за македонските компании да остварат контакти и да воспостават соработка, па дури и партнерства со фирми од ЕУ, истакна Призлуцки.
Мотото на бизнис форумот во Познањ ќе биде „Растеме заедно“ и на него, освен компании од земјите на Западен Балкан ќе учествуваат и претставници на деловните заедници од Австрија, Бугарија, Хрватска, Германија,…
Ново на Сител
-
Волстрит џурнал: Трамп размислува за прекласификација на марихуаната во помалку опасна категорија дрога
-
Зеленски рече дека Украинците нема да им ја дадат својата земја на окупаторите
-
Во Нагасаки беше одбележана 80-годишнината од американскиот атомски напад
-
Претседателот на Собранието се очекува да ги распише локалните избори
-
Трамп и Путин ќе се сретнат во Алјаска на 15 август за да преговараат за крај на војната во Украина
-
Сончево и многу топло
-
МПЦ-ОА го празнува споменот на Свети Климент Охридски и Свети Пантелејмон
-
Вучиќ изјави дека ќе бидат распишани вонредни избори, но не прецизираше датум