Битиќи до угостителите: Помош за оние кои не биле дел од сивата економија
Помош ќе добијат сите кои пред пандемијата работеле според законите изјави вицепремиерот Битиќи. Иако вчера од туристичко- угостителската комора побараа средба со економскиот тим на Владата за повторно да пробаат да ги убедат надлежните во пакетот да бидат вклучени нивните предлози, Битиќи вели дека секогаш е отворан за разговор, но помош ќе добијат само оние кои ја помагаат економијата.
Вчера туристичките работници и угостителите одлучија протестите да ги стават во мирување. Но ако нивните барања не бидат исполнети по Велигден продолжуваат со протестите.
Тие бараат неповратна помош во вид на грантови, а туристичките работници освен финансиска поддршка, бараат да бидат вклучени во проектот Дома си е дома. Сметата дека без нивните барања шестиот пакет само ќе ги ублажи последиците, но нема да помогне за спас на секторите.
Од развојната банка велат дека микро, малите и средни фирми со до 250 вработени на располагање ги имаат и бескаматните кредити од развојната банка. Јавниот повик ќе биде објавен до крајот на мај.
Шестиот пакет тежи 17, 8 милиони евра и со него ќе бидат помогнати 12 сектори.
-
Ирена Чачкова
Сите содржини од овој новинар