Билстром: Ги исполнивме сите турски барања за членство на Шведска во НАТО
Шведска ги исполни сите услови што ги постави Турција за члнство во НАТО, изјави шефот на шведската дипломатија Тобиас Билстром на заедничката прес-конференција со британскиот колега Џејмс Клеверли.
Билстром истакна дека со спроведувањето на новиот Закон против тероризмот, Шведска го исполнила последниот услов за влез во Алијансата, според трилатералниот договор меѓу Хелсинки, Стокхолм и Анкара.
Според Законот против тероризмот незаконски да се учествува во терористичка организација на кој било начин.
– Со ова го испочитувавме последниот дел од нашиот договор, посочи Билстром.
Шведска поднесе барање за членство во НАТО по минатогодишната руска инвазија врз Украина, но нејзиното членство сè уште не е ратификувано од Турција и Унгарија.
– Велика Британија ќе продолжи да се залага за брзо завршување на приемот на Шведска во НАТО. Шведска мора и ќе влезе во НАТО и треба да го направи тоа што е можно побрзо, посочи Клеверли.
Тој додаде дека е „во интерес на Турција Шведска да стане членка на Алијансата и тоа треба да го направи што е можно побрзо“.
Ново на Сител
-
Аналитичари: Ако се укине балансерот, можни се турбуленции во политиката
-
Мајка и ќерка пронајдени мртви во тетовско Слатино
-
Тема на денот со Гордана Димитриеска Кочоска, министерка за финансии
-
Преглед на вести од светот
-
Мендух Тачи и официјално надвор од Европскиот фронт, ДУИ сè уште го бројат за нивен
-
Муртезани: Се бара ново решение за спорот со Бугарија со претставници од ЕУ, ќе биде обелоденето по бугарските избори
-
Лидерите од регионот порачаа: Европската унија не е целосна без Западен Балкан
-
Македонија се задолжи 500 милиони евра во Унгарија