Билатерални средби на министерот Изаири во Париз
Во рамките на светскиот Самит за клима кој се одржува деновиве во Париз, министерот за животна средина и просторно планирање Нурхан Изаири имаше низа билатерални средби со ресорните министри од државите кои учествуваа на министерскиот дел од конференцијата СОР 21.
Како што соопшти Министерството за животна средина и просторно планирање, на средбата со швајцарскиот државен секретар во Федералниот оддел за животна средина, транспорт, енергија и комуникации Бруно Оберие беше реафирмирана добрата соработка меѓу ресорните министерства на Швајцарија и Македонија, на полето на животна средина.
- Министерот Изаири оствари средба и со министерката за животна средина и просторно планирање од Турција, Фатма Гулдемет Сари. На средбата се договори изработка на Програма за соработка помеѓу двете држави за две наредни години врз основа на веќе постоечки Меморандум за соработка, потпишан во 2007 година и се потврдија заложбите за интензивирање на соработката на полето на климатски промени, користење на глобалните фондови, како и на зелениот климатски фонд, информираат од Министерството.
На средбата со австрискиот министер за замјоделие, шуми, животна средина и управување со водите, Андрe Рупрехтер договорено е продлабочување на соработката помеѓи двете министерства преку потпишување на Меморандум за соработка во правец на полесен пристап и искористување на фондовите за намалување на загадувањето и климатските промени.
На средбата со министерот за животна средина на Италија Ган Лука Гилети, пак, е договорено потпишување на Анекс на МОУ и заедничко делување за намалување на климатските промени и искористувањето на расположивите финансиски ресурси. На средбата е најавена посета на генералниот директор за одржлив развој, енергија и клима во италијанското Министерство за животна средина, територија и море, Франческо Ла Камера на Република Македонија.
Ново на Сител
-
Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ
-
Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово
-
Израелски претставник пред Советот за безбедност на ОН: Израел ќе се брани
-
Три лица, меѓу кои и едно дете, загинаа во руски ракетен напад во Криви Рих
-
Промовирана мобилна апликација за зајакнување на полицијата во постапување на случаи на родово базирано и семејно насилство
-
Нормализиран сообраќајот на патот Штип-Кочани
-
Пронајдена дрога при претрес во Прилеп, приведено едно лице
-
Премиерот Мицкоски во посета на Кавадарци