БИБЛ лига: Кожув загуби и остана без финале

Кошаркарите на Кожув од Гевгелија по вечерашниот пораз од Морнар во Бар во реванш полуфиналето од БИБЛ лигата останаа без финале во ова натпреварување. Морнар успеа да ја анулира предноста на гевгеличани од 15 поени од првиот натпревар (86:71) и во реваншот вечерва победија со 81:56.

Резултат по четвртини: 24:18; 23:13; 19:19 и 15:6.

Кожув предноста од првиот дуел ја испушти по првиот дел кога Морнар водеше и 16 поени (47:31). Кошаркарите на македонскиот тим равноправни беа само во третиот период, додека во последната четвртина постигнаа само шест поени.

Најефикасни кај победникот беа: Лемонт Џонс со 22 поена и Марко Мугоша со 19, додека кај Кожув најпрецизен беше Брендон Пен со 18 поени.

Во второто полуфинале утре играат Сигал Приштина – Берое, а предност по првиот дуел има Приштина која победи на гости со 89:75.