Безбедна водата за пиење во Скопје

Водата за пиење во Скопје е безбедна, покажува неделниот лабораториски извештај што го спроведува Секторот за санитарна контрола на ЈП „Водовод и канализација“.

Испитувањата се извршени од 16 до 22 декември на 213 примероци за физичко-хемиска и 213 примероци за микробиолошка анализа на вода за пиење од 48 мерни места во Скопје.

ЈП „Водовод и канализација“ потсетува и дека завчера, на 22.12.2024, изврши вонреден мониторинг на водоснабдителниот систем на градот Скопје кој беше во прекин со водоснабдување на 21.12.2024 година поради активности на претпријатието. Мониторингот опфати девет критични точки: Автокоманда, Сингелиќ,  Маџари,  Ново Лисиче, Центар, Драчево, Пржино, Ѓорче Петров и Карпош 3, од каде беа земени примероци од вода за пиење врз кои беше изведено физичко-хемиско и микробиолошко лабораториско тестирање.

Согласно добиените резултати од неделното и завчерашното испитување, сите примероци одговараат на Правилникот за барања за безбедност и квалитет на водата за пиење.