Берово, град на културата за 2017 година
Општина Берово е носител на титулата „Град на културата во 2017 година“ откако беше избрана на конкурс на Министерството за култура.
- Во согласност со понудената апликација, Програмата на општина Берово содржи конкретни, квалитетни и разновидни културни содржини од сите дејности и се карактеризира со широка жанровска разновидност и стилски карактеристики, соопшти Министерството за култура.
Во рамки на Програмата е предвидено учество на млади и реномирани уметници, гостувања од странство, продукции на погранични градови и установи со што, како што се наведува, ќе се обезбеди рамномерен културен развој, а ќе го поттикне и меѓународниот културен развој на оваа општина. Во реализацијата на активностите ќе учествуваат установи и здруженија на територијата на општината, односно општинските и образовните установи, библиотеките и други субјекти.
Програмата е збогатена со сите постојни традиционални фестивали и манифестации кои ќе бидат реализирани под еден белег, Град на културата во 2017 година. Предвидени се музички концерти од сите жанрови, литературни читања и промоции, ликовни изложби на реномирани уметници, програма со популарна и традиционална музика, театарски продукции со учество на реномирани и млади актери, како и национални и независни театарски групи. Во Програмата ќе учествуваат уметници од сите генерации и таа ќе содржи активности од сите структури.
- Прогласувањето на Берово за Град на културата за 2017 година ќе придонесе за унапредување на културата во овој регион, како и за негов развој и афирмација воопшто, се вели во соопштението од Министерството за култура.
Ново на Сител
-
Обвинение за насилството на фудбалски натпревар во Штип – татко физички нападнал малолетни играчи
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина
-
Донација на специјално возило работно АТВ за Општина Илинден
-
За викенд нестабилно време со локален пороен дожд, грмежи и засилен ветер