Бензинот поевтинува за половина денар од полноќ

Од ноќеска на полноќ на сила стапуваат новите цени на горивата, соопшти РКЕ

Според најновите корекции на регулаторите кои се базираат врз движењето на цените на нафтените деривати на светските пазари донесена е одлука за намалување на малопродажната цена на бензините.

Според новите корекции сега малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 0,50 денар/литар, во однос на малопродажните цени утврдени со Одлуката од 20.07.2020 година и со тоа малопродажната цена на ЕУРОСУПЕР БС-95 изнесува 59,50 ден/лит, додека малопродажната цена на ЕУРОСУПЕР БС-98 изнесува 61,50 ден/лит.

Кај дизелот цената останува непроменета и ќе се продава по минатонеделната цена односно останува на исто ниво како што била утврдена со Одлуката од 20.07.2020 година, и ќе изнесува 53,00 ден/лит.