Бензините поскапуваат, цената на дизелот не се менува

Малопродажната цена на бензините ЕУРОСУПЕР БС-95 и ЕУРОСУПЕР БС-98 од полноќ се зголемуваат за 0,50 денари, а на Екстра лесното масло за домаќинство (ЕЛ-1) за 1,00 денар од литар. Цената на ЕУРОДИЗЕЛ (Д-Е V) не се менува, соопшти Регулаторната комисија за енергетика.

Литар ЕУРОСУПЕР БС – 95 ќе се продава за 88,50 денари, ЕУРОСУПЕР БС – 98 за 91,00, ЕУРОДИЗЕЛ БС (Д-Е V) за 90,00, а Екстра лесното масло 1 (ЕЛ-1) за 86,50 денари.

Килограм Мазут М-1 НС ќе чини 52,814 денари за килограм.