Белгиската економија ќе биде силно погодена во случај на Брегзит без договор
Излегувањето на Велика Британија од ЕУ ќе ги погоди пред сѐ соседните земји. Белгија ќе биде силно погодена, посебно во случај на Брегзит без договор, а Антверпен е меѓу најзасегнатите градови во земјата, објави регионалната Влада на Фландрија.
Во случај на Брегзит без договор, Белгија ризикува да изгуби 42.000 работни места пред сѐ во прехранбената и текстилната индустрија, нотира извештајот.
Од тие 42.000 работни места, повеќе од половина го засегаат северот на земјата односно Фландрија. Според студијата ова претставува 1,06 отсто од работоспособното население на регионот.
Градот и регионот Брисел би претрпеле најмала штета со четири илјади изгубени работни места. Југот на земјата, регионот Валонија, би бил оштетен со 10 илјади работни места.
Во апсолутни бројки, градот Антверпен ќе го претрпи најсилниот удар кога Британците ќе ја напуштат Унијата. Во случај на Брегзит без договор, 7.900 работни места би биле изгубени, додека во случај на договор помеѓу Лондон и ЕУ во кој Обединетото Кралство останува силно усогласен со ЕТ стандардите и трговијата се одвива глатко, Антверпен би можел да спаси околу шест илјади од тие работни места, се наведува во студијата.
Ново на Сител
-
Мицотакис: Провокативна, незаконска и недозволива иницијатива од новата претседателка на Северна Македонија
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции
-
Во Косово од денеска само евра, измина преодниот рок што го одреди Централната банка за динарите
-
Факти за Андреј Белоусов, новиот руски министер за одбрана
-
Денеска средба Ердоган – Мицотакис во Анкара
-
Променливо облачно и сончево, попладне услови за дожд и грмежи