Белгија ги повлекува експертите за мигранти испратени од Грција
Белгиската Влада одлучи да повлече десетици свои експерти од центрите за регистрирање мигранти во Грција, јавија локални медиуми.
Белгиските власти оценуваат дека ситуацијата на тие приемни локации, а особено на островот Лезбос се влошила до степен, до кој експертите не можат да работат нормално, бидејќи секојдневно се соочуваат со закани.
Властите додаваат дека мигрантите станале особено агресивни, како и дека опожарувале објекти, кои биле користени од претставници на Европската унија.
Причина за незадоволство на мигрантите се бавните процедури во оценувањето на нивните документи. Во центрите за регистрирање мигранти експертите земаат отписок од прст од мигрантите и ги интервјуираат со цел да оценат, кои од нив одговараат на барањата за добивање статус на бегалци. Оние мигранти, кои не ги исполнуваат барањата се депортираат.
Белгиските власти прецизираат дека нивните експерти ќе се вратат во Грција, кога процедурите ќе бидат забрзани. Тоа предвидува побрзо разгледување на барањата за азил, но и забрзано враќање во Турција на оние мигранти, кои немаат основа да останат во ЕУ.
Ново на Сител
-
Управниот суд ја одби како неоснована тужбата на Европскиот фронт за решението на ДИК за прегласувањето во Желино
-
Македонија ги дозна противниците за Мундијалот, ќе играме во Вараждин
-
Европол: Уапсени четири луѓе во голема меѓународна операција против малициозен софтвер
-
Косовската полиција заплени пари од трезорот на НБС во северниот дел на Косовска Митровица
-
Поротата во судењето на Трамп го заврши првиот ден од расправата без да донесе пресуда
-
Дел од пет скопски општини без струја
-
Олимпијакос ја освои Лигата на конференции, прв европски трофеј за грчкиот тим
-
Претпладне сончево, попладне локален пороен дожд и грмежи