Бела куќа: САД загрижени од ситуацијата во Белорусија
Портпаролот на Белата куќа, Кејли Мекенани, денеска изјави дека САД се длабоко загрижени од ситуацијата со изборите во Белорусија и ја повикува белоруската Влада да не спречува мирни собири и да не применува насилство спрема демонстрантите.
Претходно, загриженост поради недемократското однесување на раководството на Белорусија изрази и Велика Британија. Официјален претставник на премиерот Борис Џонсон истакна дека Лондон го смета за неприфатливо насилното растерување на демонстранти од минатат ноќ.
Во заедничка изјава на шефот на европската дипломатија, Жосеф Борел, и комесарот за проширување на ЕУ, Оливер Вархеи, се истакнува дека претседателските избори во Белорусија биле засенети од „непропорционално и неприфатливо насилство на државата врз мирните демонстранти“.
ЕУ треба да преземе мерки за да не се дозволи примена на сила од страна на властите на Белорусија, побара денеска Јацек Чапутович, министер за надворешни на Полска.
На 9 август во Белорусија се одржаа претседателски избори. Според официјалните резултати, победник е актуелниот претседател Александар Лукашенко. Но тој резултат е оспорен од опозицијата. Полицијата растеруваше протести и денеска, а опозицијата најави дека протестните акции продолжуваат.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд