Бејли и Орав: Партиите и институциите се одговорни за кредибилни избори
Политичките лидери имаат одговорност пред нивните граѓани да ја вратат својата земја на евро-атлантскиот пат, со имплементирање на политичките договори и итните реформски приоритети, наведуваат амбасадорите на САД и на Европската Унија во Македонија Џес Бејли и Аиво Орав во заедничка изјава во врска со текот на подготовките за изборите.
- ЕУ и САД ги поддржуваат сите партии и други учесници во нивната работа да се создадат услови за кредибилни избори. Ова вклучува прочистување на избирачкиот список, спречување на какви било видови притисок врз гласачите и обезбедување фер медиумска покриеност. Одреден напредок беше направен на овие фронтови, но останува значителна работа. Одговорноста да се подготват кредибилни избори не е само на државните институции туку и на политичките партии. Шести април беше пропуштена можност. Заедно со другите меѓународни партнери, ЕУ и САД ќе продолжат да го поддржуваат демократскиот развој, вклучително и изборите. Ја поздравуваме работата на Државната изборна комисија и напорите на граѓанскиот сектор во постигнувањето на оваа цел. Ќе продолжиме одблиску да го следиме развојот на настаните и да ги споделуваме нашите погледи, пишува во заедничката изјава на амбасадорите Орав и Бејли.
Ново на Сител
-
Неуспешен 53-ти обид за конституирање на косовскиот парламент, следниот вечерва во 22:00 часот
-
Николоски: Во Гевгелија го пуштивме за употреба Западниот Булевар „Св. Климент Охридски"
-
Голем пожар избувна попладнево во близина на Струмица
-
Врвните светски параглајдеристи се натпреваруваат во Крушево
-
Се претставил како дипломат на ГП „Табановце“, приведени две лица за фалсификување исправа | ФОТО
-
Активни пожарите на Готен и во малешевијата, на Бешешки рид и уште четири други
-
Приведени четири лица за управување возило под дејство на алкохол
-
Зголемена фреквенцијата на возила на граничните премини Табановце и Пелинце