Баша со демонстрантите: Нема да се дозволи уривање на театарот
Лидерот на најголемата опозициска Демократска партија, Љуљзим Баша им се придружи на демонстрантите пред Националниот театар во Тирана, кои се против уривање на објектот.
Во обраќањето тој рече дека уривањето на театарот е „криминален проект и служи за перење пари од дрога“.
– Нашиот став и понатаму е ист. Тука Еди Рама сака да испере 200 милиони евра, со веќе осудувани архитекти во Италија. Ова е едно мафијашко сценарио со кое Еди Рама сака на Албанија да и го уништи Националниот театар и да ги испере парите од канабис. Конечно, пред секој Албанец се потврдува дека немаме влада, туку банда, обвини Баша.
Посочи дека театарот го заштитуваат актерите, но оти и тие се тука „да не ја дозволат оваа кражба“.
Она што денеска се обидуваат да го направат овде, додаде Баша, ќе се случи во секоја албанска куќа, како што се случува кај новата обиколница и која било друго место во Албанија.
На протестот кој почна утринава на кој учествуваат членови на Алијасата за заштита на театарот и граѓани се придружија и поранешни пратеници од редовите на Демократската партија.
Претходно Баша се закани дека доколку некој се осмели да стави динамит на театарот истото ќе ги снајде и нивните домови.
Ново на Сител
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции
-
Поради сообраќајка во прекин сообраќајот на патот Струмица - Валандово
-
Во БиХ продолжува потрагата по исчезнатите во поплавите и свлечиштата во Јабланица, досега најмалку 20 загинати
-
ЈСП: Бесплатен јавен превоз за „Бела ноќ“, изменет сообраќаен режим за Скопски маратон
-
ИДФ се обидува да влезе во јужниот либански град Одаисеј, експлозии и во Бејрут