Баша: Албанија е најкорумпирана земја во Европа, ветинг во политиката е неопходен
Албанските опозициски демократи не се откажуваат од иницијативата за ветинг во политиката, што го сметаат за значаен процес за да се „отстранат од политиката корумпираните и инволвираните луѓе во светот на криминалот”.
Партискиот лидер Љуљзим Баша во денешната објава на социјалните мрежи, наведува дека Албанија е најсиромашната земја во Европа а тоа е затоа што таа е најкорумпираната земја.
-Албанија е најсиромашната земја во Европа, бидејќи е најкорумпираната земја во Европа. Со илјада и една грижа се соочуваат луѓето кои се борат за подобар живот, претприемачите кои се борат да преживеат во неконкурентна економија, старите лица со недоволни пензии, младите кои секој ден сè повеќе сонуваат да заминат подалеку од Албанија, пишува Баша.
Затоа, додава дека треба да се спроведе ветинг во политиката за да се стави крај на неказнивоста, да се „исчисти политиката од сите оние кои ја злоупотребија довербата на граѓаните, збогатувајќи се себеси и мал број луѓе околу нив”.
Според Баша, оние кои ја злоупотребиле довербата на граѓаните мора да си заминат, повторувајќи дека ветингот во политиката може да почне од него.
Ново на Сител
-
Прегласувањето во Охрид тече непречено
-
Мирна атмосфера на денешното прегласување во општините Долнени и Крушево
-
Вработените во Пошта во штрајк од јуни
-
Ацевски: Степенот на имплементација на целите за одржлив развој во националната рамка е задоволителен
-
Семејното насилство во галопирачки пораст
-
Невреме со силен ветар, дожд и град попладнево го зафати кумановскиот регион
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор