Барса договори напаѓач, а потоа се откажа
Плановите за трансфер на Барселона вклучуваа наем на напаѓачот на Беижинг Гуан, Седрик Бакамбу. Една од причините за оваа одлука е сериозната повреда на Луис Суарез, кој ќе отсуствува од терените одредено време.
Конгоанецот требало да отпатува во Шпанија за да потпише договор со клубот, откако директорот на Барса, Ерик Абидал, се договорил со агентот на играчот, а управата на кинескиот клуб, исто така, се согласила на трансферот, пренесува радио „Каталонија“.
Напаѓачот сепак така и не седнал во авионот за Шпанија, бидејќи Абидал го информирал дека клубот се откажал од тоа да го привлече на „Камп Ноу“.
Самиот Бакамбу ја потврдува информацијата, дури и се пошегува на социјалната мрежа Твитер.
„Еј, Трансфермаркт, напиши во мојата историја на трансфери, речиси Барселона, ве молам. Сè што правиме е добро. Фала му на Бога за сè, ќе те видам друг пат, Антоан Гризман“, напиша играчот.
Не е јасно што го предизвикало откажувањето на каталонскиот клуб да го регрутира напаѓачот и дали коронавирусот во Кина е една од причините.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања