Барди: Среќен сум за првиот гол

Фудбалската репрезентација на Македонија до 21 година вечерва во Гдиња го игра третиот натпревар од групата Б, противник ни е селекцијата на Португалија, која има шанси за полуфинале.

Во нашиот табор се подготвени за новиот предизвик.

- Добро се работи на овие тренинзи, како тактички така и физички сме подготвени. Добро го одигравме второто полувреме со Србија. Досега имаме еден пораз, реми и сега е време за победа. На сите дуели влегуваме со голема мотивација, а сите се ривали на наша возраст и затоа одиме да се надигруваме. Впрочем, Србија е светски првак до 20 години, а одигравме одлично второ полувреме против нив, изјави Енис Барди.

Барди беше и стрелец на првиот гол за Македонија на ЕП.

- Многу сум среќен за постигнатиот гол, тогаш мислев само на тоа како да помогнам на другарите да дојдеме до добар резултат.