Балетот го одбележува 70-годишниот јубилеј
Изложбата „Животот во движење“ што Балетот ја подготви за да го прикаже својот седумдецениски развој беше отворена вечерва во Националната опера и балет.
Изложбата е конципирана во седум делови и секој е историјат за премиерите во одделна декада и прикажува фотографии од уметниците и од изведбите, каталози, костими и костимографски скици за претставите, медиумски написи и 19 оригинални плакати за балетски премиери, меѓу кои и за првата – „Валпургиска ноќ“, стар 70 години. Изложбата во НОБ ќе биде поставена два месеца, а во план е да гостува во повеќе градови низ земјава. Идејата и реализацијата на изложбата е на Наташа Јосифовска
Директорката на Балетот Олга Панго порача дека денес се насочени кон оние кои со сигурен творечки максимум влегуваат во веќе сосема изградената уметничка физиономија на балетскиот ансамбл, уметници кои со своите креативни дострели излегуваат од границите на нашава земја.
По изложбата се одржува гала балетскиот концерт во два дела – класичен и модерен балет на кој по повод 70-годишниот јубилеј ќе настапи целиот балетски ансамбл и гости солисти од неколку земји.
На вечерашната свеченост беа доделени и благодарници на сите што придонеле во развојот на Балетот во изминатите 70 години, почнувајќи постхумно за основоположникот на балетскиот ансамбл Ѓорѓи Македонски – кореограф на првата балетска претстава, па сè до поновите генерации балетски уметници.
Ново на Сител
-
ЦУК: Четири активни пожари, три под контрола
-
Трамп нагласи дека имал „многу добар разговор“ со европските лидери
-
Шефот на НАТО вели дека Европа и Трамп се обединети во напорите за завршување на војната во Украина
-
Пожарите во Албанија не стивнуваат, најкритично во Делвина и Финиќ, опозицијата бара прогласување вонредна состојба
-
Вучиќ најави дека нема да се кандидира на следните избори
-
Венс: Трамп ми рече дека има мисија да го врати мирот во Европа
-
ЦУК: Пожар од поголеми размери избувна кај Октиси, авион на ДЗС на пат кон локацијата
-
Полицаец во Кичево физички нападнал повикано лице во полициска станица