Бајден му кажал на Ердоган дека ќе го признае масакрот врз Ерменците од 1915 година за геноцид
Американскиот претседател Џо Бајден во вчерашниот телефонски разговор му порачал на турскиот лидер Реџеп Тајип Ердоган дека има намера да ги признае масакрот од 1915 година и присилната депортација на Ерменците за геноцид, изјавија извори запознати со разговорот на двајцата лидери.
Британските медиум и пренесуваат дека потегот, што се очекува денеска да биде официјализиран, веројатно ќе ги влоши и онака тензичните односи меѓу формалните сојузници во рамките на НАТО.
Бајден најверојатно ќе го употреби зборот „геноцид“ како дел од денешната изјава, што го одбележува денот на сеќавање на жртвите на геноцидот врз Ерменците ширум светот.
Потегот би бил во голема мерка симболичен, но тоа би значело прекинување на децениската пракса на внимателно избирање и користење на термините што доаѓаат од Белата куќа, за да не се навреди Турција.
Според наводите од Белата куќа, Бајден и Ердоган се согласија да се состанат за време на самитот на НАТО во јуни.
Во вчерашниот телефонски разговор, Бајден го пренесе својот интерес за конструктивни билатерални односи со проширени области на соработка, се наведува во соопштението на Белата куќа.
Ниту во изјавата на Белата куќа, ниту во изјавата на турското претседателство, не се споменува дека Бајден официјално ќе го признае масакрот врз Ерменците во Отоманската империја како геноцид.
Ново на Сител
-
Определен притвор за четворица осомничени за пукањето во Тетово
-
Бела куќа: Трамп и Путин ќе имаат состанок в петок во Енкориџ
-
Свечена седница по повод 24 години од потпишувањето на Охридскиот рамковен договор
-
Ангелов: Борбата со пожарот во ловиштето Јасен продолжува, успешно изгасната една линија, теренот останува критичен
-
Го живеам мојот сон, сакам да ме паметат по дела | Орце Ѓоргиевски | Неформално | Sitel Podcast 108
-
ЦУК: Активни пожари во Јасен, Свиларе, Радуша и уште четири локации
-
Студентската листа е 99 отсто завршена, во неа нема опозиција ниту влада, тврдат српските студенти во блокада
-
Израел тврди дека нема масовна глад во Газа