Автомобил се превртел на патот Кочани – Македонска Каменица, 4 лица повредени

На 15.12.2024 во 21.45 часот во Полициското одделение Македонска Каменица било пријавено дека на магистралниот пат Кочани – Македонска Каменица, кај с.Дулица, патничко возило „опел“ со делчевски регистарски ознаки, управувано од С.С.(59) од Македонска Каменица се превртело на коловозот.

Во несреќата со тешки телесни повреди се здобила неговата сопатничка О.М.(56), а со телесни повреди се здобиле возачот и уште двајца сопатници С.С.(59) и Т.М.(55), сите од Македонска Каменица, констатирани во Клиничка болница Штип.