Австралиската Влада одобри построги мерки против тероризмот
Австралискиот Парламент денеска одобри нови, построги, законски одредби за борба против тероризмот, што на главниот обвинител ќе му овозможат да побара осудените терористи да останат во затворот и по издржување на нивните пресуди, јави ДПА.
Законот, што беше усвоен од Парламентот на неговото последно заседание во 2016 година, овозможува 12 месеци пред истекот на дадената пресуда главниот обвинител да побара од судот осудениот за тероризам да остане во затворот.
Главниот обвинител во Австралија, Џорџ Брандис, денеска пред Парламентот изјави дека судовите ќе треба да направат проценка дали некој затвореник претставува неприфатлив ризик. Затворениците ќе можат да повикаат експерт, избран од нив, кој ќе ги застапува пред судот.
Во Австралија има 17 затвореници, кои издржуваат затворски казни за тероризам, а кривични предмети за уште 40 лица се разгледуваат во судовите.
- Од 2014 година во Австралија се спроведени 24 антитерористички операции, од кои се покренати обвиненија за 55 лица, изјави Брандис.
Построгите одредби за престој во затвор беа усвоени откако е зголемена безбедноста во Парламентот во Канбера, како и на сите австралиски аеродроми.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп