Австралија воведува петта доза од вакцината против Ковид-19
Во текот на овој месец Австралија ќе воведе петта доза од вакцината против Ковид-19 за сите граѓани на возраст над 18 години, кои досега не се заразиле со коронавирус или не биле вакцинирани во изминатите шест месеци, изјави министерот за здравство Марк Батлер.
-Одлуката го проширува правото на довакцинација на околу 14 милиони лица, што е повеќе од половина од населението во земјата, на кои од 20 февруари ќе им бидат понудени вакцини специфични за варијантата Омикрон, рече Батлер.
Досега само на лицата со сериозно ослабен имунитет им се препорачуваше да ја земаат петтата доза, а советот беше да го примат бустерот три месеци по четвртата доза.
Австралија, која е меѓу земјите со најголем број вакцинирани луѓе против коронавирусот, досега има администрирано две дози од вакцината на 95 отсто од луѓето на возраст над 16 години.
Токму овој пристап и помогна на Австралија да го задржи бројот на заразени со Ковид-19 на релативно ниско ниво во споредба со другите развиени економии.
Меѓутоа во Австралија имаше бавно прифаќање на вакцинацијата, а официјалните податоци покажуваат дека околу 72 отсто ја примиле третата доза, а само 44 отсто четвртата.
Батлер изјави дека луѓето на возраст над 65 години сè уште се изложени на висок ризик од тешка болест и смрт од коронавирус и затоа ги повика да ја добијат петтата вакцина доколку ги исполнуваат условите.
-Воведувањето на петтата доза од вакцината ќе помогне да се справиме со она што неизбежно ќе биде следната фаза од следниот бран на Ковид-19 некаде во текот на оваа 2023 година, рече Батлер.
Ново на Сител
-
Собранието ја констатира оставката на претседателката на ДКСК Татјана Димитровска
-
Поништен тендерот за набавка на 120 електрични еколошки автобуси за јавен превоз
-
Привршува рокот за електронско пријавување за сместување во студентските домови
-
Претрес во Кочани, пронајден пиштол и марихуана
-
Директорка на училиште во Виница си ја вработила ќерката како професор по математика, иако немала соодветно образование
-
Активни седум пожари, три под контрола, пристигнува помош од Чешка и Словенија
-
Пленарна седница за интерпелацијата на јавниот обвинител Коцевски
-
Почнува судскиот процес за нападот врз скопската градоначалничка Данела Арсовска