Арсовска: Скопје ќе биде град на фестивали
Возобновување на фестивалот „Златно славејче“ и поголема финансиска поддршка за Скопскиот џез фестивал, најави денеска независната кандидатка за градоначалник на Град Скопје, Данела Арсовска.
– На Скопје му е потребна нова енергија, потребни му се културни случувања. Скопје ќе биде град на фестивалите. Планираме одржување на најмалку 12 фестивали, за секој месец во годината по еден фестивал. Златно славејче кое е симбол на Скопје ќе се возобнови. Градот ќе ја продолжи и ќе ја зголеми поддршката на Скопје џез фестивал, истакна Арсовска на прес-конференција.
Во нејзината изборна програма покрај функционална Универзална сала, планирано е да се изгради и концертна арена на отворено. Како дел од програмата е и заживување на Старата чаршија преку проектот „Ритамот на чаршијата“, а ќе се посвети и дополнителна грижа за зачувување и популаризација на Куршумли Ан, Капан Ан, Сули Ан, Чифте Амам, Даут-пашин Амам и Безистенот.
Во соработка со Општина Аеродром, како што најави, ќе се инвестира во нов мултифункционален културен центар во Ново Лисиче со кино и театар, а планирана е и организација на меѓународно Биенале на Град Скопје во сеќавање на скопскиот земјотрес, преку преку организирање на ликовни колонии и изложби.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o