Арсовска: Скопјани да добијат пред се човек за градоначалник кој што ќе го води градот без политика

Независната кандидатка за градоначалник на Скопје Данела Арсовска во врска со коментарите во јавноста дека иако е независен кандидат е директно поддржана од ВМРО-ДПМНЕ, а се плаши да го облече дресот на партијата, за Сител изјави дека не се плаши од никој и ништо. 

-Искрено јас да ви кажам јас немам страв од ништо и од никого и доколку би имало такво нешто гордо би си го носела својот дрес како што гордо го носам дресот на Македонија. Поддршката која што ја имам пред се е од скопјани. Јас сум само еден од два кандидати кои што успеале да соберат потписи за своја независна кандидатура, истакна Арсовска. 

Арсовска потенцираше дека ги повикала сите скопјани да ја поддржат како што ја поддржале и политичките партии, не само ВМРО-ДПМНЕ туку и коалицијата од 20 помали политички антитети, Алијанса, Алтернатива како и многу здруженија на граѓани.

-Јас сум им благодарна на сите и верувам дека со нивната широка поддршка скопјани ќе успеат да добијат пред се човек за градоначалник и некој кој што ќе го води градот без политика, рече Арсовска.