Арсовска оствари средба со амбасадорот на Полска, Тицињски

Проектите што се приоритет во работењето на градската администрација, со посебен осврт на зелената транзиција, подигањето нови мега паркови и активностите што се преземаат за подобрување на квалитетот на живот на граѓаните и заштита на животната средина, беа во фокусот на средбата на градоначалничката на Град Скопје, Данела Арсовска, со амбасадорот на Полска, Војциех Тицињски.

Како што информираат од Град Скопје, на средбата, Арсовска и Тицињски разговарале и за можностите за продлабочување на соработката меѓу Градот Скопје и Амбасадата на Полска, за развој на туризмот во Скопје и зголемување на бројот на туристи од Полска, како и привлекување странски инвестиции имајќи го предвид фактот што Полска е единаесетти трговски партнер на Македонија.