АРМ: Успешно реализирана вежбата „Предизвик 2017“
Во рамки на билатералната вежбовна активност „Предизвик 2017“ на која учествуваат припадници од единиците за противвоздушна одбрана на АРМ и Вооружените сили (ВС) на Република Словенија, денес на армискиот полигон „Криволак“ се реализира техничко гаѓање на цели во воздушен простор со лесен преносен ракетен систем (ЛПРС) ,,Игла-С“, кое воедно беше и ден за посетители.
Како што информираа од АРМ, гаѓањето со ЛПРС „Игла-С“ било успешно изведено, при што биле прикажани перформансите на овој вид борбени системи и муниција, а учесниците демонстрирале одлична извежбаност и знаење. Сите истрелани ракети ги погодиле целите со висока прецизност.
Денешната активност била проследена од страна на амбасадорот на Република Словенија во Република Македонија Милан Јазбец, командантот на Здружената оперативна команда, бригаден генерал Зоран Милески, бригадните генерали на АРМ, Азим Нуредин, Мирче Ѓоргоски и Орце Јордев, бригаден генерал Милан Журман од ВС на Република Словенија, команданти на единици на АРМ и претставници од ГШ на АРМ.
Билатералната соработка помеѓу армиите на Македонија и Словенија, во делот на противвоздушната одбрана, започна пред десет години, а оваа година по седми пат се реализира заедничка активност под познатиот назив „Предизвик“.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп