Аргентинците не можат без фудбал, Владата обезбеди пари за плати на фудбалерите?!

Колку е важен само фудбалот во Аргентина покажува  одлуката на Владата на оваа јужноамериканска држава  која обезбеди 21 милион евра за плати на фудбалерите со што може да започне шампионатот кој беше под закана да не стартува поради неисплатени побарувања кон играчите.

 

Средствата, како што пренесува и АФП, ќе бидат распредени меѓу клубовите за тие да можат да извршат исплата на заостанатите обврски кон фудбалерите.

 

Играчите во елитното клупско фудбалско натпреварување во Аргентина се заканија дека ќе отпочнат штрајк и ќе го одолжат почетокот на сезоната поради големите доцнења за добивање на заработувачките.