Аргентина подобра од Уругвај

Репрезентацијата на Аргентина ноќеска постигна минимална победа од 1:0 над Уругвај и го презеде првото место во групата од квалификациите на Јужна Америка за Светското првенство во Русија. Стрелец на единствениот гол беше Лионел Меси во 43.минута, а неговата репрезентација целото второ полувреме играше со играч помалку бидејќи во 45+2 минута беше исклучен (втор жолт картон) Паоло Дибала.

 

Ова за Аргентина беше четврта победа во низа, а по двата нерешени резултати триумф оствари и олимпискиот шампион Бразил и тоа на гостувањето кај Еквадор. „Кариоките“ славеа со 3:0. Стрелци на головите беа: Нејмар (72.минута) и Габриел Жезус (87 и 90+2 минута).

 

Резултати на натпреварите од 7.коло:

Аргентина – Уругвај 1:0,

Еквадор – Бразил 0:3,

Колумбија – Венецуела 2:0,

Боливија – Перу 2:0 и

Парагвај – Чиле 2:1. 

 

Табела: Аргентина 14 бодови, Уругвај 13, Колумбија 13, Еквадор 13, Бразил 12, Парагвај 12, Чиле 10, Боливија 6, Перу 4, Венецуела 1.  

Следното коло се игра на 6.септември.