Апасиев: На локалните во 2017 имавме 3 советника, сега имаме 51 советник

Пратеникот и лидер на Левица Димитар Апасиев на својот Фејсбук профил објави дека партијата има 17 пати поголем број на советници освоени на локалните избори споредено со претходните во 2017.

Левица во 2017 настапи во 11 општини од вкупно 80 и освои три советнички места, додека во неделата учествуваше во 38 општини и доби 51 советник.

„Ама, Заев вика рејтингот од 4% ни паднал на 2%, после „инцидентот“ во Прилеп!? p.s. Премиерот забораил да ја додаде единицата пред двојката (12%), ама ај сега да не го „омаловажуваме“ вака јавно“, напиша Апасиев на Фејсбук.