Антонио Гутереш во Ирак ќе ја проучува хуманитарната ситуација

Генералниот секретар на ОН, Антонио Гутереш, денеска пристигна во Ирак за да ја проучи хуманитарната ситуација во земјата.

Тој на Твитер како „апсолутен приоритет“ ја оцени заштитата на цивилното население во Мосул, кое се најде во ќорсокак заради борбите против групата Исламска држава, пренесоа француските медиуми.

Гутереш во Ирак дојде од Јордан, каде учествуваше на годишната средба на Арапската лига.

Во Багдад тој ќе има разговори со највисоките ирачки лидери, вклучувајќи го и премиерот Хајдер ал Абади. Потоа шефот на светската организација ќе отпатува за северниот град Ербил, главниот град на автономниот регион Ирачки Курдистан.