Антикорупциска операција против државни и локални службеници во Србија
Во обемна операција на српската полиција за справување со стопанскиот криминал и корупцијата, денеска се уапсени 53 лица под обвинение за злоупотреба на службената положба и овластувања, јави српската државна телевизија РТС.
Во рамки на операцијата под истото обвинение се издадени потерници по уште 25 други лица.
Како што соопшти српскиот министер за внатрешни работи Небојша Стефановиќ, осомничените се товарат дека со своите активности во периодот од 2005 година, па досега, на буџетите на Србија, на Војводина и на повеќе општини им нанеле штета од над 10 милиони евра.
Стефановиќ информира дека меѓу уапсените има инспектори од српското Министерство за земјоделство, вработени во белградското сообраќајно претпријатие „Ласта“, членови на раководството на Ветеринарниот институт од Земун, како и 13 полицајци, одговорни за регистрација на возила.
- Оваа операција е уште еден сериозен доказ дека државата сериозно се бори против сите форми на корупција и стопански криминал и дека во таа борба нема недопирливи, независно од тоа на која позиција се наоѓаат и која е нивната партиска припадност, порача Стефановиќ.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски