Анкета: Шулц и Меркел имаат еднаква поддршка за функцијата канцелар на Германија
Социјалдемократот Мартин Шулц би добил еднаква поддршка со германската канцеларка Ангела Меркел, доколку избирачите можеа да гласаат директно за претседател на влада, покажуваат анкетите.
Според истражувањето на „Инфратест димап“ за телевизија „А Ер Де“ што беше спроведено вчера, Шулц и Меркел уживаат еднаква поддршка од избирачите - по 41 процент.
Податоците, објавени осум месеци пред парламентарните избори во Германија, покажуваат дека поддршката за Меркел е намалена за два поени од септември, а таа за Шулц е зголемена за пет поени.
Оваа недела социјалдемократите го претставија поранешниот претседател на Европскиот парламент како свој кандидат за канцелар, откако нивниот лидер Зигмар Габриел одби да се бори за функцијата против Меркел во септември.
Шулц официјално ќе биде назначен за лидер на социјалдемократите в недела.
Ново на Сител
-
Загина 20-годишно момче во сообраќајка кај Новоселани
-
Со автоматска пушка влегол во казино и одзел над 5000 евра
-
Локалните избори во Србија и изборите во Белград ќе се одржат на 2 јуни
-
АСО: Неоправдано е поскапувањето на полисите
-
Со лажен сертификат за англиски јазик аплицирала за директорка и добила работа, сега ќе одговара кривично
-
Ким Џонг-ун надгледуваше пробно истрелување ракети
-
Учениците од понеделник на пролетен распуст, наставата ќе продолжи на 7 мај
-
СПМ: Вториот круг претседателски избори ќе базира на резултатите од првиот