Анкета: Пораст на евроскептицизмот во Словенија

Словенците членството во Европска унија се уште го оценуваат како корисно, но евроскептицизмот е во силен пораст, покажува анкетата денеска објавена во љубљанскиот весник „Дело“.

На прашањето за користа од интеграцијата 37 отсто од испитаниците одговориле позитивно, а 25 проценти дека Словенија претрпела штета, додека останатите се неутрални или не сакале да се определат.

На прашањето дали би поддржале референдумско одлучување за излегување на Словенија од ЕУ 50 отсто од анкетираните навеле дека се против, а 42 проценти дека се согласуваат со идејата.

- Во првите десет години од членството во ЕУ Словенија од европските фондови добила речиси 4,5 милијарди евра, што значи дека многу повеќе добила од европскиот буџет отколку што уплатувала, наведува „Дело“.