Англија во транс, Сити го симна Ливерпул од врвот

Актуелниот англиски шампион, Манчестер сити се врати на првото место во Премиер лигата (барем привремено), откако на тешкото гостување кај Евертон си замина со 2:0 победа, која може да биде клучна во борбата за трофејот со Ливерпул.

Сити сега има натпревар повеќе од Ливерпул (кои во сабота го пречекуваат Бурнемаут) и двата клуба имаат по 62 поени, но клубот од Манчестер е на врвот поради подобрата гол разлика (67:20 во однос на 56:15 на „црвените“).

Клучниот човек за тимот на Пеп Гвардиола беше дефанзивецот Ајмерик Лапорт, кој во судското продолжение во првото полувреме, кога по еден слободен удар на Давид Силва беше највисок во скокот и го совлада Џордан Пикфорд. Длабоко во судското продолжение, Габриел Жесус ги постави конечните 0:2 во 98. минута од мечот.

Дел од навивачите на Ливерпул на социјалните мрежи беа лути на менаџерот на градскиот ривал Евертон, Марко Силва, кој стартуваше со првите ѕвезди Ришарлисон, Сигурдсон и Тосун на клупата (иако тројцата добија шанса во второто полувреме).