Англија: Итно отпуштање пациенти од болници поради недостиг на болнички кревети
Во најкритичниот зимски период досега, Националната здравствена служба на Англија (НХС) планира итно отпуштање илјадници пациенти од болниците и домовите за стари лица во следните неколку недели, во обид да ги ослободи потребните капацитети за други пациенти.
Националната здравствена служба, што обезбедува бесплатна медицинска нега, до неодамна беше гордост на Англија, но од минатата година е под притисок од пандемијата на коронавирусот и е погодена од недоволни инвестиции и чести штрајкови на медицинските работници незадоволни од ниските плати.
Некои пациенти се лекуваат во ходници и во амбулантни возила, други чекаат во редици надвор од болниците или итните служби, а болниците се обидуваат порано да ги отпуштат посериозните пациенти поради недостаток на персонал и кревети, јавија медиуми во Лондон.
Владата најави дека ќе обезбеди дополнителни 200 милиони фунти средства за здравствена заштита и подобрување на работните услови и уште 50 милиони фунти за подобрување на постоечките капацитети.
Во соопштението на владата не се наведува дали НХС во Шкотска, Велс и Северна Ирска, исто така, ќе инвестира повеќе во зголемување на капацитетот на болниците.
„НХС е под огромен притисок од Ковид-19, сезонскиот грип и најавените штрајкови. Оваа зима претставува екстремен предизвик“, нагласи Стив Баркли, британски министер за здравство.
Ново на Сител
-
Николоски: Во Гевгелија го пуштивме за употреба Западниот Булевар „Св. Климент Охридски"
-
Голем пожар избувна попладнево во близина на Струмица
-
Врвните светски параглајдеристи се натпреваруваат во Крушево
-
Се претставил како дипломат на ГП „Табановце“, приведени две лица за фалсификување исправа | ФОТО
-
Активни пожарите на Готен и во малешевијата, на Бешешки рид и уште четири други
-
Приведени четири лица за управување возило под дејство на алкохол
-
Зголемена фреквенцијата на возила на граничните премини Табановце и Пелинце
-
Засилени царински патроли на Охридско Езеро: Целосна контрола на пловните објекти за спречување криминал и избегнување на давачки