Анѓушев: Решавањето на спорот за името има и економски бенефит
Нашите идни генерации треба да ги видат економските бенефити од договорот со Грција. Без разлика на трошоците што можеби ќе настанат од имплементацијата на овој договор, придобивките се многу големи, истакна денеска вицепремиерот за економски прашања Кочо Анѓушев.
Според него, прашањето за името е од сферата на надворешната политика, но е и економско зашто сите инвеститори кога доаѓаат во некоја држава прашуваат колку е стабилна и дали во неа има владеење на правото.
- Економските бенефити од договорот со Грција и од решението на овој проблем или прашање за нашите идни генерации ќе бидат неспоредливо повисоки од кој било трошок што би настанал за имплементација на овој договор, потенцира Анѓушев.
Негова оценка е дека во делот на институциите кои треба да изменат некакви документи, најверојатно нема да има трошоци. - Тоа е оставено да биде во еден временски период паралелно со преговорите за членство во ЕУ. Сите во тој период и секако ќе мора да менуваат документи или какви било други материјали кои ќе предизвикаат трошоци, објасни вицепремиерот, одговарајќи на новинарски прашања на прес-конференција во Владата по повод аплицирањето за државна поддршка за инвестициите на компаните.
Анѓушев подвлече дека по влегувањето во НАТО и ЕУ земјите од соседството имаа сериозни позитивни финансиски импликации: зголемување на странски инвестиции, отворање на европски фондови, полесен пристап до фондови.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид