-->
-->
Ангеловски: Очекувам да бидеме конкурентни во групата
-->
Селекторот на македонската фудбалска репрезентација Игор Ангеловски очекува подобри резултати во новиот квалификациски циклус.
- На прагот сме на нов квалификациски циклус во кој очекувам репрезентацијата на Македонија да остварува подобри резултати во однос на изминатите два циклуса. И без разлика на силата на репрезентациите во групата верувам дека овие фудбалери се подготвени и имаат квалитет да го направат тоа. Мислите ни се насочени кон натпреварот со Албанија, ме радува моменталната форма на повиканите играчи и се надевам дека во наредните денови ќе имаме мирни тренинзи, квалитетни подготовки и здрави фудбалери, изјави Ангеловски.
Предводникот на „рисовите“ ветува борбена игра на неговите избраници на секој натпревар и останување на целта за подмладување на репрезентацијата.
- Влегуваме максимално ангажирани и ќе се обидеме сето тоа да го пренесеме на теренот со цел позитивно да влеземе во квалификациите за СП. Она што го најавував и претходно, дека поголем дел од играчите од составот до 21 година ќе бидат вклучени во најдобрата селекција, се уште е мој став но пред нив се два клучни натпревари за пласман на Европско Првенство и се надевам дека ќе бидат успешни, рече селекторот на денешната прес-конференција.
На средбата со Албанија, Ангеловски нема да може да смета ниту на повредениот Александар Трајковски.
Македонија ќе и гостува на Албанија на 5 септември во Скадар.
-->
-->
-->
Ново на Сител
-
Албанија: Ситуацијата со пожарите се уште тешка, целосно пеплосани шест села кај Грамш
-
Кривична пријава против четири лица за престрелката во Тетово, одреден 30-дневен притвор, по две лица се трага
-
Почина оперската примадона Милка Ефтимова
-
ЈКП Комуналец Пехчево: Водата според анализите не е безбедна за пиење
-
Мицкоски: Имаме обврска сите да обезбедиме подобра иднина за граѓаните
-
Енрике прогласен за најдобар тренер во Европа во изборот на ЕСПН
-
Одредени се сите парови за плејофот во Лигата на шампионите
-
Албанец со автомобил пробал да прошверцува 21 килограм свежа пастрмка во државава